Duden und Dialekt

Hochschui und Hof

Linguistik und Literatur

Sprochnorm und Kreativität

Duden und Dialekt

Gegensätze ziang se jo bekonntermaßen o und wer se ned entscheidn ko, der moch hoid beides. Wia i nu studiert hob, hob i ma de Dialekte vo Österreich amoi genauer ogschaut und hob gmerkt, dass des oane des ondare ned ausschliaßn muas, sondern dass grod, wonn ma vo beide Seitn a weng wos mitbringt, Sproch nu vüh schena wiad.

Broad gstraat woan a meine Interessen, wonn’s um de Hockn gonga is: Informatik, zaumrama und wissen, wos wo liegt (Logistik), Moaktschreia drent und herent (Exporthondel und Vertrieb), Londwirtschoft, panschen (Umwödtechnik- und Biologielabor), ASZ (Obfoi-wirtschoft), Wiatshaisl (Gastronomie), Winkeschreiba (Rechtswissenschoften), Leid eana Göd gebm (Personal-vorechna) und Lehrarin. 

Es wa oiso ned glong, wonn oana sogat, dass i scho ois amoi ghert und gseing hob. Oba gonz Wuascht, wo i bis iatz hikemma bi, oans woa oiwei wichtig für mi… und zwoa Sproch. A wonn se insa Sproch de gonze Zeit ändert, es werd si nia des verändern, dass mi Sproch (und insb’sundare mei Mundoat) mei Lebm long begleitet. 

Mit meim Gschreibat mecht i da zoang, wos mia an da Sproch, da Mundoat und da Grammatik so daugt und dir a weng wos vo dera Begeisterung mitgebm!